C. Ronaldo-a’n a chhuahsan hnuah Real Madrid tana a pawimawhna leh hlutna zual ta em em Karim Benzema leh Real Madrid chuan  June 2023 thleng daih contract an ziak thar. Santiago Bernabeu lamah hian French striker hian nakum thleng contract a la nei chungin club dang hawi lovin kum khat dang contract a ziah belh leh ta zawk a ni.

Kum 33 mi Benzema hian kum 11 liamta khan Lyon chhuahsanin €35 million-in Real Madrid a zawm a, hetihlai hian kum 21 mi chauh ala ni. 

Karim Benzema hian Real Madrid tan game 560 a khelah goal 281 zet a thun tawh a, assist 144 a nei tawh bawk.  Real player  zingah Real tana goal thun hnem 5-na chelh mekin a ni aia sang mi pahnih Santillana leh Alfredo Di Stefano te chu goal 27 a thun leh chuan a lehpel thei dawn a, kum 2 chhung chuan a khum hman ngei a rinawm.