DOWNLOAD OUR APP

Read latest news on your phone
app-store
Reality programme siam thiam ber Khatla East | Kristian film siam thiam ber Champhai Vengthlang
Apr 18, 2021

Aizawl: Synfo-in Mizoram Presbyterian Kohhrante tana a buatsaih, Reality programme insiamsiakah Khatla East leh Kristian Film insiamsiakah Champhai Vengthlang Kohhran te an thiam ber.

Intihsiakna esult hi ZIrtawpni zan khan Synfo Studio-ah puan niin Rev. C.Lalhlira, Moderator chuan lawmman a sem.

Lawmman semna hunah hian Rev. K. Lalrinmawia, Executive Secretary incharge Synfo-in hunserh a hmang a, Synfo Coordinator Pu Lalchhungliana’n report pein Synod moderator-in  lawmman a sem bakah thuchah tawi a sawi a. Intihsiakna endiktute atangin Vanneihtluanga leh Upa C.Lalremsiama ten thu an sawi bawk.

Reality programme insiamsiakah hian kohhran 28 telin leh Kristian Film insiamsiakah hian kohhran 13 an tel.

Reality programme-ah 1-nain Rs. 50,000 leh trophy, 2-nain Rs. 30,000 leh trophy, 3-nain Rs. 20,000 leh trophy an dawng a. Kristian Film-ah lawmman 1-nain Rs. 1,00,000 leh trophy, 2-nain Rs. 70,000 leh trophy, 3-nain Rs. 60,000 leh trophy an dawng.

Intihsiaknaa tel zawng zawngten participation prize - Reality programme-ah Rs. 5,000 leh memento leh Kristian film-ah Rs. 10,000/- leh memento an dawng a. Covid-19 hripui leng avanga sorkarin inkaihhruaina a siam angin intihsiaknaa tel, participation prize dawng turte hi result puan hunah hian sawm theih an ni ta lo va, hun remchangah Synfo-in office-a lam theih turin ruahmanna a siam dawn. 

Kristian Film leh Reality programme-te hi Synfo enkawl Hruaina Eng channel-ah pek chhuah leh tura ruahman a ni.

MSSSB thiah leh thiah loh
Mizoram Subordinate Services Selection Board thiah tum hi eng nge i ngaihdan?
Thiah tha ka ti
Thiah kher tul ka ti lo
Ka hrethiam lo

Latest News & Chhiar Hlawh