Redmi 12C chu India ramah tlangzarh a ni dawn hnai ta. March 30 hian tlangzarh a ni dawn a, a rual hian Redmi Note 12 4G pawh tlangzarh a ni ang. 

Redmi 12C hi China-ah chuan tlangzarh a lo ni tawh a, shadow black, sea blue, mint green leh lavender te duhthlan tur a awm. India ramah pawh tun thla tawpah tlangzarh a ni dawn a, lei theih turin chhawpchhuah a ni thuai dawn e. A battery hi 5,000mAh  a ni dawn a, 10W charging support a ni bawk ang. 

Redmi 12C hi a man a to dawn lo a, Rs. 8,400 man vel a ni ang. Hetih rual hian 4GB RAM + 128GB internal storage chu Rs. 9,600 vel ni tura ngaih a ni a, 6GB RAM + 128GB pawh Rs. 10,800 velin a lei theih dawn a ni. 

Redmi hian khawvel hmun hrang hrangah Note 12 series an tlangzarh tawh a, 5G a ni deuh vek tawh bawk. Note 12 series hi model chi li - Redmi Note 12 5G, Note 12 Pro 5G, Note 12 Pro+ 5G leh an tlangzarh thar tur Redmi Note 12 4G te a ni. 4G tih loh hi chu India ramah pawh lei theiha chhawpchhuah an ni tawh - 4G bikhi chu March 30 hian tlangzarh ve leh a ni ang. A man hi puan zar la ni lo mah se Rs. 10,000 bawr vel ni tura ngaih a ni.