Redmi Note 10S India-ah tlangzarh dawn

Admin - May 08, 2021

Redmi Note 10S hi khawvel huap ang chuan March thla khan tlangzarh a lo ni tawh | Ram tlem teah chauh zawrh chhuah a la ni thung

Redmi Note 10S chu May 13 hian India-ah tlangzarh a ni dawn ta. Hemi chungchangah hian Chinese smartphone siam chhuaktu company lar Xiomi chuan thuchhuah an siam a, biak hmuh theihna hmanga tlangzarh a nih tur thu an puang. 

Redmi Note 10S hi khawvel huap ang chuan March thla khan tlangzarh a lo ni tawh a, ram tlem teah chauh zawrh chhuah a la ni thung. Xiomi hian India ramah nasa takin huang an zauh a, an product thar ber ber pawh rei rial loin an thawn lut nghal zung zung thin. Tun hnaiah - Note 10, Note 10 Pro leh Note 10 Pro Max te an lo zuar chhuak tawh a, Note 10S pawh hi hun rei lo teah lei theihin a awm dawn a ni. 

Note 10S hi MediaTek Helio G95 SoC a thuam niin, a battery pawh 5,000mAh a ni a, 33W fast charging a ni cheu bawk. Rawng chi thum - Blue, Dark Grey leh White te thlan tur a awm dawn a, a storage hi 6GB + 64GB, 6GB + 128GB leh 8GB + 128GB te a ni hlawm. A display hi full-HD+ (1,080x2,400 pixels) niin, AMOLED display hman a nih avangin mit tana tha lo blue light pe chhuak tlem tura duan a ni. A camera hi 64-megapixel f/1.79 aperture niin, ultra-wide 8-megapixel f/2.2 a chhawm bawk. 
Redmi Note 10S hi Rs. 13,000-14,000 man vel a ni dawn a, man to lutuk si lohah chuan hmantlak pangngai tur tak a ni. 

Share now