Chinese smartphone siamchhuaktu lian Xiaomi chuan July 20 hian Redmi Note 10T 5G chu India ramah tlangzarh a nih tur thu an puang. 

Redmi hi India rama smartphone hralh chhuah tam ber a ni a, Note 10T 5G pawh hian ngaihven a hlawh hle. A man hi Rs. 14,999 ni tura ngaih a ni a, hralh a kal leh viau a nih pawhin a mak lo ang. 

Note 10T 5G hi 6.5" 1080x2400 90 Hz LCD touchscreen niin, a camera hi 48 MP a ni a, a front camera pawh 8 MP a ni. A battery pawh a zia viau dawn a, 5,000 mAh + 18W charging a ni.

Xiomi hian smartphone siam chhuah kawngah nasa takin hma an sawn a, tun phei chuan global smartphone shipment ranking-ah Apple lehpelin dinhmun pahnihna an hauh phak der tawh. An phak loh awm chhun hi Samsung an ni a, an khum thei ang em tih chu hunin a la hril dawn a ni.