Aizawl: Nimin khan Reiek Tlang Tourism Development Board, Reiek leh Village Council Reiek te bultumin Reiek Tlang a lo thianghlim zawk nan leh kangmei laka a him theih nan Reiek khawtlang mipui ten bawlhhlawh thenfai leh kangmei chhuah theihna hmun lai te samfai hnatlang an nei a, mi 100 chuang an thawk chhuak.   Village Council Reiek te kaihhruaina hnuai ah NGO hrang hrang YMA MZP MUP MHIP te tangkawp chuan kum 2018 khan Reiek Tlang Tourism Development Board Reiek din in, an ni hian chak takin Reiek Tlang leh a chhehvel tih changtlung hna an thawk a, Gate fee te siamin duty an indah a, Kar tin mi 2000 velin an tlawh thin a ni. Reiek Tlang thlen hma ah hian ­naupang intihhlimna hmun park te siam ani a, nakin lawk a hawn mai theih turin zip line, climbing wall te leh thil chi hrang hrang duan mek a ni a. Zokhua pawh hawn thuai tura sak mek a ni.   Reiek mipui te chuan kum tinin kangmei chhuak palh thei lakah ngenna leh hriattirna te an chhuah thin a, kumin pawh hian Reiek Tlang tlawhtute kangmei laka venpui tur leh faina kawng a pui turin mipui te an ngen bawk.