ZALEN September 6, 2026: Rel kawng chhiat vanga Mizoram chhunga rel service khaihlak chuan ni riat atanga ni 10 chhung vel a la awh dawn niin railway thuneituten an sawi.

Northeast Frontier Railway (NFR) hotute sawi danin Katakhal-Bairabi section chhunga Jamira, Assam leh Bairabi inkara rel kawng chu Ningani zan khan lei tlahniam avangin a chhia a, rel kawng chhia zawh ngam rih loh hi meter 50 vela thui a ni a. Hei vang hian Assam leh Mizoram inkar rel kawng chu khar a ngaih phah a, siam that hna hi ngawrh takin kalpui mek a ni.

Kawng chhiatna lai hi lirthei luh theih lohna a nih avangin siam a harsa a, hna thawh zawh hun tur pawh hriat theih a ni rih lo.

Rel kawng chhia avang hian Guwahati, Kolkata leh New Delhi rel service chu tihtawp hrih a ni.