Aizawl: Nimin zing dar 3:30 vel khan Kolasin bul Rengtetlangsang bawlhhlawh paihna bulah Shillong atanga Aizawl pan Sumo ML05H/7254 chu chesualin kawngthlangah a lum a, a chhunga chuang (driver nen) mi 9-te zingah thi awm lo mah se an vaiin an hliam a, ngaihtuahawm erawh an awm lo thung.   Thudawn danin Sumo (Dove) khalhtu Lalbiakdika (41) s/o P Sama, Shillong hi motor neitu niin kawngthlang lamah 150 mtrs vel a lum a, motor pawh hi a chhe nual a ni.   Sumo-ah hian mi 8 chuangin chhungkaw hnih an ni a, an vai hian Kolasib District Hospital panpui nghal niin an zinga mi 4 chu Aizawl lamah enkawl zui tura an kaltlang laiin mi dang 4 hi Silchar lamah enkawl turin an let leh thung. Sumo chetsual chhan hi hriat a ni lo naiin driver hi a muthlu nia rin a ni.