Republic Veng KTP Diamond Jubilee lawmna zaninah khar dawn
![](https://zalen.s3.ap-south-1.amazonaws.com/images/news/1716799595_Republic%20Veng.jpg)
Aizawl May 27, 2024 : Republic Veng Branch KTP chuan kum 60 an tlin Diamond Jubilee hmanna hun an neih chu zanin hian Republic Veng Kohhran Biak In-ah a kharna an nei dawn a ni.
Republic Veng Banch hian May 6, 2024 zingah Marathon race hmanga bul tanin, hemi zan hian Jubilee hawnna inkhawm neih a ni a. Inkhawm banah Jubilee Mei det a ni a, Branch OB hmasabera damlai awmchhun Upa L. Biakchhungan Jubilee Mei hi a Det sak a ni.
May thla chhunga KTP inkhawm apiangin lawmna hi hman chhon a ni a, May 13 zan khan Kohhran Hall-a inkhawmna neiin group hrang hrang ten item an nei a, May 20, 2024 zan khan Parvul zan an hmang a, May 23, Ningani zan khan Rimawi zan hmang lehin, Veng chhung leh pawna zaithiam te sawm an ni. Jubilee Sports Indoor leh Outdoor te buatsaih a ni bawk.
Hruaitu hluite puala programme buatsaih a ni bawk a. Free Clinic te buatsaih niin Mi 93 laiin an inentir a, Durtlang Hospital tan Blood Donation buatsaih a ni bawk a Mi 68, Mipa 55 leh Hmeichhia 13 ten a thlawnin thisen kan pe a ni. May thla chhung hian Mission Veng Bazar, Thakthing Bazar leh Tuikual Bazar (Tennis Court) Vela Zana chawhmeh zuara tlaivar thin te tan eitur siam sakin an sem bawk a ni.
Jubilee Ni, May 24 khan chawhma Inkhawm neih a nih hnuah Jubilee Dar vuak a ni a, Jubilee Lungphun hawn niin chawhnu lamah hruaitu hlui pual hun hman a ni a, tlai lamah ruaitheh a ni. Jubilee zan atang hian Speaker atan T/Upa R. Lallungmuana, Selesih ruai tanin, Pathianni pawh Sunday School awm lovin sermon inkhawma hman a ni a, zan thleng khan Speaker hnen atangin sermon ngaihthlak a ni a, inkhawm apiang hian Zipawl bakah item nei an awm ziah bawk. Zanina a kharna hunah hian Lawmthu sawina leh tawngtairualna an hmang nghal bawk dawn a ni.
Republic Veng Kohhran hi February 1964-ah a indang a, a indan hnu lawk April ni 7 zanah H. Denghlira te inah mi thahnemngai thenkhatte an kal khawm a. Chutah chuan Kristian Thalai Pawl din a nih theih dan tur ngaihtuahin member ni thei àwm zatte an ziak chhuak nghal a, member 48 vel an awm thei niin an hria a, May ni 24, 1964 (Pathianni) chawhma inkhawm banah chuan Primary School (chutih laia inkhawm nana an hman mek)-ah chuan hruaitu hmasa ber thlanna hun an nei ta a, hemi ni - May ni 24, 1964 hi Republic Veng Branch KTP din ni atan pawm a ni zui ta a ni.
Chuta Office Bearers an thlan chhuahte chu:
Leader : Pu T. Romana
Asst. Leader : Tv. Lalpianga
Secretary : Tv. H. Zakhawla
Asst. Secretary : Pu Lalnghaka
Treasurer : Pu L. Biakchhunga (tuna kan kohhran Upa nimek)
Latest News & Chhiar Hlawh
-
1m | Aug 30, 2024
-
2m | Aug 30, 2024
-
1m | Aug 30, 2024
-
1m | Aug 30, 2024
-
2m | Aug 30, 2024
-
1m | Aug 30, 2024
-
2m | Aug 30, 2024
-
2m | Aug 30, 2024
-
1m | Aug 30, 2024
-
1m | Aug 29, 2024
-
1m | Aug 29, 2024
-
2m | Aug 29, 2024
-
2m | Aug 29, 2024
-
1m | Aug 29, 2024
-
1m | Aug 29, 2024
-
1m | Aug 29, 2024
-
1m | Aug 29, 2024
-
2m | Aug 29, 2024
-
1m | Aug 29, 2024
-
2m | Aug 28, 2024