Aizawl August 11, 2024: Republic Veng Presbyterian Kohhran chuan Republic Veng Branch YMA-in thlanmual ram leina an la bat cheng ₹6,93,739.00/- an rulh sak. 

Republic Veng YMA hian 2020 khan thlanmual ram thar lei nan cheng nuai 50 an puk a. He an pawisa puk rulh nan hian vengchhung in tinah budget tukin pawisa an khawn thin a. Thla khatah cheng nuai 1 rulh thin a ni.

August ni 6, Thawhlehni zana Republic Veng Presbyterian Kohhran Committee chuan mipuiten theihtawp an chhuah tawhna hriatpuiin, chhawk zangkhai tha an ti a. Republic Veng Branch YMA hian an loan rulh hmabak ₹6,93,739.00/- chu August ni 7 khan kohhran puihna hian an pe tla nghal a ni.

Republic Veng Brach YMA hian chhiat an tawh tumin mitthi tlaivarpuiah cheng ₹18,000-₹12,500 vel an seng thin a, tlaivarpui ngai lo ah ₹11,500 vel an hmang thin.