April 1, 2024; Nizan ruahsur a rial tla in Mizoram hmar lam, Zohmun leh Palsang khua ah chenna in (Biak in) telin a tichhe nasa hle a, rial tla hi a lian hle a, vanneihthlak takin chhiatna lian zawk thihna leh hliam tuar erawh an awm lo.

Zohmun khua atanga ZALEN thudawn danin, nizan a rial tla khan an khua a chenna in zawng zawng tih theih deuhthaw tur a tichhia a, in chung rangva leh tukverh darthlalang te a tichhe nasa hle. Zohmun hi in 300 leh 400 inkar an ni a, tun dinhmun-ah in chhe zat hi chiang taka hriat theih la ni lo mah se, in tam zawk chu rial tla hian a tichhia nia hriat a ni.

Zohmun khaw thenawm Palsang ah pawh Biak in te nen in 53 vel rial tla in a tichhe bawk. Nizan a rial tla kha a tam in a lian hle tih thudawnna chuan a sawi.

Thlalak : Google photo