American actor lar Johnny Depp chuan rimawi khawvelah a thiam thil phochhuah a tum a, British guitarist lar Jeff Beck album thar turah tha a thawh ve dawn. 

Jeff Beck leh Depp te hi thiantha tak an ni a, an thawk dun tur pawh hi thil mak a ni lo. Depp hian rimawi lamah sulhnu a lo nei ve tawh a, kum 2015 khan American rock supergroup an tih mai 'Hollywood Vampires' chu an din a ni. 

Hollywood Vampires group member ziang mi Johnny Depp hian rimawi lam a tuipui ve viau a, Alice Cooper leh Joe Perry te nen 'Hollywood Vampires' hi an din a ni. 

'Pirates of the Caribbean' star hi a nupui hlui Amber Heard kutthlak thinah puh a ni a, hemi chungchangah hian thiam loh chantir a ni nghe nghe - kumin March thla khan a khinlet leh tur thu a sawi.

Depp hre chiangtute chuan film a chang tawh dawn lo tihna a nih loh thu sawiin, hun harsa a tawh mek lai hian music lamah bul a tan hmasa dawn a, chumi hnuah film lam a luhchilh leh dawn tih an sawi.