June 2, 2023; ZPM in Minister of State Robert Romawia Royte in Section 9(A) Representation of the people Act 1951 bawhchhia a puh a, bang a tura an phut chungchangah Election Commission of India (ECI) thu ngaihchan a la ni.  

February 28, 2023 khan ZPM chuan Mizoram Governor Dr. Hari Babu Kambhampati hnenah Minister of State Robert Romawia Royte in Section 9(A) Representation of the people Act 1951 a bawhchhiat avangin petition an thehlut a. He petition-ah hian ZPM aiawhin SL Ngursailova Sailo, General Secretary, Vigilance Department-in hming a ziak a ni.  

ZPM chuan Robert Romawia Royte hian The representation of people Act 1951 bawhchhiain diklo takin a thuneihna hmang hlawkna a tel avangin (office of profit) ZPM chuan Minister of State Pu Robert Romawia Royte hi Article 192 (1) to the Constitution of India thuneihna hmanga disqualify turin Governor hi an ngen.

Larsap hian March ni 16, 2023 khan ECI ah ZPM ngenna hi thawnin, lo zirchiang a an ngaihdante sawi turin a thlen a, hemi chungchangah hian vawiin thlengin ECI lamin thu a la rawn nei lo nia thudawn a ni.

ECI in ZPM ngenna hi zirchiang a, Robert Romawia hi a rawn ban a nih chuan inthlan lo awm tur thlengin a chuh thei lovang.