Sophia-i tia a hming an sak hi robot a ni a, thiam thil tam tak a nei bawk. A tawng thei a, fiamthu a thawh thiam a, eng emaw emaw a siam thiam bawk.

March thla daih tawhah khan a thil siam pakhat phei chu lilamnaah zawrh chhuah niin non-fungilble token (NFT) kaltlangin $ 6,88,888 laiin an lo hralh tawh.

Sophia-i siamtu hi David Hanson niin Hong Kong-a hmunpui nei, Hanson Robotics-a an CEO ni lai a ni a. Kum 25 vel liam ta atang tawh khan robot siam hian a buaipui tawh thin a. Mihring ang tak, mihring ang maia hman theih leh healthcare leh lehkha zirna lama mihringte pui thei siam chhuah hi a tum a ni thin.

An robot siam chhuah tawhah chuan Sophia-i hi an larpui ber a ni a. Hmeichhia anga siam a ni a, a biak theih a, mi a hre thei bawk a, Kum 2017 daih tawhah khan Saudi Arabian khua leh tui nihna pek a lo ni tawh a, robot zinga ni hmasa ber a ni nghe nghe.