Hripui leng vanga music festival hrang hrang thulh a nih hnuah, Rolling Loud Miami chu kalpui mek a ni a, ngaihhlut a hlawh hle. He hip-hop music festival hian ni thum chhung a awh dawn a, Zirtawpni khan tan niin vawiin hian a tiak dawn a ni. 

Rolling Loud Miami 2021 hi Hard Rock Stadium, Miami Gardens, Florida-ah neih a ni a, mipui thahnem tak an pung khawm. He hunah hian - Post Malone, A$AP Rocky, Travis Scott, Roddy Ricch, Lil Baby, Megan Thee Stallion, DaBaby leh Lil Uzi Vert te chu inlan tur zingah an tel a, fans lam tan chuan hmaih phal chi a ni lo. 

American rapper chanchin ngah ve tak Kanye West pawh a tawp ni hian a perform dawn a ni.