Cristiano Ronaldo nu Maria Dolores dos Santos Aveiro chuan a khelh mekna Juventus chhuah san a, a club khelhna hmasa ber an ram club Sporting Lisbon lama let leh turin a fapa chu thlem a tum. Juventus attacker hian Man United a zawm hma khan Sporting Lisbon tan a khel thin.  United atang hian Spain lamah kalin Real Madrid tan a khel a, ropui taka a theihna a lanchhuah tir hnuah Juventus a pan a, kum 26 hian ala tar loh lantirin Serie A top scorer a ni mek. 

A nu-in an ram lama khel tura sawm luh a tum mek laiin, a agent Jorge Mendes erawh chuan club te leh league tenau zawk a khel tur chuan a nau hi ala phal rihlo hle thung. Mandes chuan,“Sporting hian a lung a len tih chu a hriat a, chutihrualin a hma hun ruahmannaah Portugal lam hi chu a lang rih lo,” a ti. 

Tun season an chet that tawk loh avangin Juventus hian season tharah Champions League an khel phak lo maithei a, hetiang a nih chuan khawvel player ropui ber pakhat Ronaldo hi Europa League huanga khel tura chelh beh chu a har viau maithei.

League champion an lawmnaah Ronaldo-a nu hian a fapa Ronaldo chu season thara Sporting stadium Jose Alvalade Stadium-a khelh turin a fapa a sawm tur thu a sawi. Dolores Aveiro chuan, “Sporting-a a lo kir leh theih nan ka bia ang, Alvalade-ah a khel leh ngei ang,” a ti.

Ronaldo nu chuan a fapa chu a biak ngei tur thu leh a football team hmasa ber lama let tura a rilru hmin ngei a tum tur thu a sawi hmiah mai.