DOWNLOAD OUR APP

Read latest news on your phone
app-store

Ronaldo nge Messi free-kick atangin goal thun tam zawk?

Jan 01, 1970

Cristiano Ronaldo leh Lionel Messi te pahnih hi ball nung lai chauha hlauhawm an ni lova, death ball-ah pawh an hlauhawm em em tih kan hria a, free-kick specialist tia sawi ngam ve ve an ni. Player pahnih te free-kick chhuih dan hmang erawh a in ang lo hle thung.

Cristiano Ronaldo leh Lionel Messi te pahnih hi ball nung lai chauha hlauhawm an ni lova, death ball-ah pawh an hlauhawm em em tih kan hria a, free-kick specialist tia sawi ngam ve ve an ni. Player pahnih te free-kick chhuih dan hmang erawh a in ang lo hle thung.

A career tir lamah chuan Cristiano Ronaldo hian dead-ball atangin goal a thun thei hle a, a hming chherna ber pakhat a ni nghe nghe. 

November ni 1, 2003 khan Portsmouth nen Premier League-a an inhmachhawn tumin Ronaldo hian free-kick atangin goal a thun a, he a goal thun hi Manchester United tana a goal thun hmasakna ber a ni nghe nghe. Hun a kal zela, a chhuih dan style 'knuckleball' technique chu goalkeeper tam takin an hriatthiam tawh avangin an save sak ta fo.            

Hetihlai hian Messi-a pawh hian free-kick chhuih a thiam hle a, a ni hian March ni 20, 2012 khan  Barcelona tana goal thun tam ber nihna a chelh tawh a, heng zinga a goal panga chu free-kick atanga a thun an ni. Chumi hnuah pawh kum khat chhungin tum sarih ngawt free-kick atangin goal a thun leh. Messi hian a hnu kum sarih chhung phei chu season tina free-kick goal paruk nei ziah ang a ni. A kum hman tha ber chu 2018 kha niin calendar year khat chhungin goal 10 a thun. 

Portuguese hian Real lama a season hnuhnung pali-ah khan free-kick atangin goal kua chiah a thun a, Juventus lamah goal thum bakah United lama a kir leh hnu hian goal khat a thun tawh bawk. 

Messi leh Ronaldo hian an career-ah freekick atangin goal 58 ve ve an thun tawh a, an game khelh tam dan en chuan Ronaldo aiin Messi hi a chungnung zawk. Argentine Messi-a’n freekick atanga a goal thun  hi 8.9% niin Ronaldo hian 6.2% chauh a thun phak thung. 

Competition                Messi        Ronaldo
League                           39            33
Champions League          5             12
Competition dangah        6              3
International                     8           10
Total                                58/436        58/531
Conversion Rate              8.9%        6.2%

Share now