DOWNLOAD OUR APP

Read latest news on your phone
play-store app-store
app-store
ad
Rosé-i'n YouTube-ah record a siam
Thalai khawvel
Mar 18, 2021
BLACKPINK star Rosé chuan a hla thar ‘On The Ground’ hmangin YouTube-ah entu ngah ber record a siam.
 
Rosé hian March 6 khan ‘On The Ground’ hi YouTube-ah a tichhuak a, darkar 24 chhungin viewer maktaduai 41.6 zet a nei tih, South Korean daily newspaper 'JoongAng Daily' chuan an tarlang a ni. Korean-Australian singer Rosé hian kum 2012-a PSY hla hit ‘Gangnam Style’ music video kha, darkar 24 chhunga viwer neih tam lamah a khum a ni. ‘Gangnam Style’ khan darkar 24 chhungin viewer maktaduai 36 a nei a, hun eng emaw chen record a nih hnuah Rosé hian a rawn khum ta a ni.
 
Rosé hian a single album hmasa ber ‘R’ chu March 12 khan a release a, tun hnaia album chhuak zingah chuan ngaihven hlawh ber tih ngam a ni. ‘On The Ground’ hi a hit rem rem hle a, BLACKPINK YouTube channel-ah upload niin, viewer maktaduai 100 dawn an awm tawh.
 
Album a tihchhuah tukah hian 'Tonight Show Starring Jimmy Fallon' ah a inlan zui a, a hla hit ‘On The Ground’ hi a perform a ni. Tonight Show-ah hian nikum khan BLACKPINK member te chu an lo inlan tawh bawk a, an hla hit ‘How You Like That’ an perform a nih kha.

Latest News & Chhiar Hlawh