Khawvela hripui len hnu hian London ațanga examiner lokal a remchan  lo a, Recorded Video Exam hmangin music exam hi kalpui a ni. Exam dan tur video kaihruaina mumal tak zawmin an examna video chu khawvel hmun hrang hrang ațangin a hmunpui ber London-ah  thawn a ni a, endik tura ruatten uluk taka a lo endik leh in, result an puangchhuak ta țhin a ni. India ramah pawh State engemaw zat ațangin zirlai țhahn takin exam hi an hmachhawn bawk. Mizoram ațang hian music school 11 (Aizawl 7; Champhai 2, Keifang 1, Serchhip 1) a zirlai 40 ten exam an hmachhawn. Exam zingah Youth Icon hmasa ber Zoramchhani pawhin vocal grade 8 chu distinction-ah pass in 95/100 mark a hmu nge nge. 
RSL Awards hi 1991 a din a ni a, Music grade exam (electric guitar, bass, drums, acoustic guitar, piano, vocals, music production, music theory) bakah Performance Arts(Musical theatre, acting, screen acting, jazz dance, street dance); Vocational (schools, colleges, training providers, music practitioners, creative music industry, creative digital media, creative practitioners, creative industries practitioners) te a zir theih a. Tunah hian khawvel ram 45 ah inzar pharhin kumtin mi 80,000 chuangin an hnuaiah heng exam chi hrang hrang hi an hmachhawn țhin. 
"RSL Awards in a tum ber chu thiamna pawmawm leh hmantlak, ramdang pawhin an pawmpui theih khawvel hmun hrang hrang, ram kilkhawr zawk thleng pawha chhawr theih leh ban phak, chhawp chhuah, midang zirtir leh thiamna pek hi a ni. Aizawl bak Champhai, Keifang, Serchhip lam ațanga exam hmachhawn engemaw zat an awm thei ta hi music lama hmasawnna duhawm tak a ni" Zothanmawia Local Area Representative (LAR) RSL Awards