Hripui lengin khawvel nunphung a chawkbuai chhunzawm zel a, RT-PCR test pawh a pawimawh zel dawn niin a lang. Tunah hian ram chhunga state thenkhat chuan zin vei vah an phal tawh a, mahse covid lakah an him leh him loh uluk taka endik zel a ni dawn. 

Himachal Pradesh chuan zin mite tan kawng an hawn sak leh tawh a, RT-PCR test hmanga an negative ngei tih erawh finfiahna Hetiang bawk hian Kerala leh Maharashtra te pawhin an kalpui a, test hi darkar 72 hmalam ami erawh pawm a ni lo tlangpui. 

Khualzinte tlawh nasat Goa pawhin RT-PCR test hi tih ngei ngei ngaiin dan an zam a, zin mite tlawh pawh erawh an inhuam tawh hle a ni. Goa hian a hma kha chuan Rapid Antigen Test negative certificate an phut a, tunah erawh RT-PCR an phut tawh a ni. Chhattisgarh pawhin August 8 atangin an state-a lut tur reng rengte chu RT-PCR test tih vek a ngaih thu an tarlang ve mek bawk.