April 26, 2024; Social Activist Ruatfela Nu in chhun pachanga septic tank ni ngeia lang sah chungchang chhui a, a titute lak a dan anga action la turin FIR a thehlut.

Ruatfela Nu in Aizawl Police Station a FIR a thehluh a a tarlan danin, ni 25.4.2024 (Ningani) chawhma dar 11:05 vel khan Sikulpuikawn atanga Mission veng chhukna, Theipalingkawh road ah chhun pachangah septic tank ni ngei a lang paih an awm a, a luang ri hum hum a, Kawltheihuan lamah luang thlain a veng uihin a uih khat tlat a ni.

He thil titute hian an mihring puite engatan mah an ngai lo a, khaw eng pawh zah loin mipui tawrhna an thlen a ni. Septic tank sah ni ngeia lang hi chhui chiang a, a titute chunga dan anga action la ngei turin ka ngen a che, tiin a tarlang.

He thil hi a hriat veleh tawngka/phone call in police a hrilh a, a hmuna an kal nghal tur thuin an chhang a, FIR hian a um zui leh a ni.