Aizawl April 2, 2024 : Vawi khan Social activist Vanramchhuangi (Ruatfela Nu) chuan Officer-in-Charge, Cyber Crime Police Station Aizawl-ah Thlarau hur changtunu an tih mai Zonunmawii lakah First Information Report (FIR) a thehlut.

FIR-ah thehluh-ah chuan hetiang hian ngenna a ziak :

Khua leh tui thate an tih tur danin a phut angin kan khawtlangah dan kalha chetna thleng mek chungchangah hetiang hian First Information Report ziakin ka rawn theh lut e.

Zonunmawii D/o Vana R/o Zobawk, Lunglei, Mizoram chuan hur sualna lam rawngkai, tawngkam leh chetziaa lantirin video clip-a siam thin a. Heng video clip-ah te hian a private part thenkhat te tilangin Porn star kan chang dawn te a ti a. Tin, a zu in lai te a pholang thin bawk a ni. Tin heng video clib te a mahin a siam bakah hian You tuber ten an interview-in tawngkam bawlhhlawh leh tlahawlh tak tak a chhakchhuak thin a ni. Hengte hi Social Media-site hrang hrangah nasa taka thehdarh a ni a. He thil hi khawtlang nunah a bikin naupang leh thalai lamah nghawng tha lo tak nei thei thil anih avangin hetiang video siam leh thehdarh te hi dan pawhin a khap tlat a ni.

Chuvangin Zonunmawii leh a video thehdarhtute chuangah dan g anga hmalak a nih theh nan he FIR hi ka rawn theh lut a ni.

Vanramchhuangi, Chaltlang Dawrkawn, Aizawl tiin signature a pe thlap bawk