Aizawl : Assembly House lama Congress Legislature party MLA leh Law Minister TJ Lalnuntluanga inkara boruak duhawm lo awm chungchangah nimina Assembly House kawta Congress mi leh sa an an punkhawm hma khan ngaihdam dilna an pek bakah a In-ah kal chilhin thil awmzia an sawi ho tawh tih, minister pakhat chuan a sawi,  An punklhawm chhan a hre lo.

Hetihlai hian MNF lam chuan nimin lam khan Congress MLA Ngunlianchunga hnenah hian ngaihdam dilna nimin session chawlh lai khan a pe tih Minister Lalruatkima chuan ZALEN a hrilh a, nizan khan session zawh velah minister dang leh MNF MLA thenkhat te chu Ngunlianchunga te In-ah hian an kal nghal tih a sawi. Boruak tha tak hnuaia thil kal tawha an ngaih laia khatiang boruak a thleng leh kha hriatthiam har a tih thu a sawi bawk.

Thawhlehni khan Thawhtanni-a House a member pahnih inkara boruak avangin MPCC chuan press conference kovin Law minister hi ngaihdam dil tura an phur bakah ngaihdam a dil duh lo anih chuan hma an lak tur thu an sawi. Hemi denchhen hian nimin khan Assembly House kawta minister session a kal tur hi dan tumin an inhawr khawm zui ta a ni.