May 17, 2023; Aizawl SP Rex Zarzoliana Vanchhawng chuan ruihhlo (drugs) in kan khawtlang luhchilhna nasa tih sawiin, chumi vang chuan pawikhawihna pawh a thlen tam phah niin a sawi.

Vawiin a office a thuthar thehdarhtute a kawmna ah Aizawl SP chuan ruihhlo in kan khawtlang a luhchilh mek do let turin hmalakna tur duan mek a nih thu te a sawi.

Hengte bakah hian dan pel a Mizoram lolut hnamdangte endik kawngah pawh fimkhur taka hmalak tum a nih thu te, Aizawl khawpui chhungah a theih ang anga pattroling pawh tam zawk a neih tum a nih thu te a sawi bawk.

A mimal ngaihdan ah social media la hmang thiam tawk lo an la tam nia a hriat thu sawi bawkin, "Hnam thil chawk tho thei zawng te, thu dik tawk lo ziah thin te social media ah hmuh tur a la tam a, a veiawm hle, heng hi mipui ten thulakna atana an hman chuan a fel dawn lo," Aizawl SP chuan a ti.