April 2, 2024; Excise & Narcotics Department chuan nimin khan Chaltlang Lily Veng (State Guest House bul)-ah Heroin gram 11 (Hawng 1) leh a neitu nia puh mi pakhat - Lalmuankima (32) Saizahawla Section, Durtlang Leitan-a khawsa nia inchhal chu an man.

He case chhui zelnaah nizan dar 11:55 khan Hunthar Vengah he thubuaia inhnamhnawih dang mi 3 - KC. Thangmawii (44) Zokhawthar, Champhai District; Lalthanpari (54) Falam, Myanmar (tuna Hunthar Veng, Aizawl-a khawsa mek) leh Tluangthanpari (39) Falam, Myanmar (tuna Bawngkawn Brigade-a khawsa mek) nia inchhalte an man a. An ni hnen atang hian Heroin gram 109 (Hawng 10) leh Methamphetamine Kg 5 & Gram 888 (Tablet 60,000) an man bawk.

Heroin leh Mathamphetamine vanga mante hi The Narcotic Drugs & Psychotropic Substances Act, 1985 tlawhchhanin thubuai siamsak a ni. 2nd April, 2024 khan Special Court (ND&PS Act)-ah hruai nghal an ni.