ZALEN Dec. 5. 2024; Excise & Narcotics Department leh a thawhpui te chuan ruihhlo thahnem tak leh a neitu a puh an man.

December ni 5, 2024 (Ningani) zing dar 12:15 khan Excise & Narcotics Department, Assam Rifles leh Kumpuan Committee, Champhai Sub Headquarters te thawkho chuan Mualkawi, Zokhawthar Road, Champhai District-ah Heroin gram 244.500 (Hawng 21) bakah Methamphetamine 2 Kgs & 288 grams leh a neitu nia puh mi pathum – Lalhruaitluanga (56) s/o Thangsapa (L), Electric Veng, Champhai; 

Lalromawia (44) s/o Keichungnungam (L), Zion Veng, Champhai leh Lalruatmawia (42) s/o Vanlalngura (L), Vaphai-a khawsa nia inchhalte an man.

Ruihhlo vanga mante hi The Narcotic Drugs & Psychotropic Substances Act, 1985 tlawhchhanin thubuai siamsak an ni a, 5th December, 2024 khan District & Sessions Judge, Champhai District-ah hruai nghal an ni.