Aizawl: Sub-Hqrs YMA Serchhip hruaitu te chuan nimn khan 2019 YMA General Conference thlenna tur N.Vanlaiphai a hmunah tlawhin an enfiah.
Sub-Hqrs YMA hruaitute hi an President R.Sanghmingthanga hovin kum 2019 October thlaa YMA General Conference thlenna hmun tur N.Vanlaiphai tlawhin an kal a. Conference neihna hmun tur Field leh N.Vanlaiphai khaw chhunga PWD ten hmasawnna hnathawh hrang hrang an neih mek te Department hotute nen an enho bakahRahsi Veng Kohhran Hall ah PWD Serchhip Division te nen Joint Meeting neih nghal a ni bawk. Inkawmhona ah hian thu sawiin SYMA President R. Sanghmingthanga chuan, “Kan ram leh hnam dinchhuahna tur beisei tur kan neih chhun chu YMA te hi a ni a, YMA te hian kan khawtlang hmasawnna hnathawh mek te hi enliam mai lova sum engzah nge awm? Eng anga siam tur nge? Eng hmanrua nge hman tur? tih te kan hriat ve a kan vil zui reng hi a ngai a. Inkalpawhna kawng tha thei reng reng lote hi a lo that theih nan a mawhphurtu kan sawrkar khawih che khawpin YMA te hian theihtawp i chhuah ang u,” a ti. LN Tluanga, SDO N.Vanlaiphai pawhin duhthusama tha in thawk theilo mah se, mipui te lungawina anga theihtawp chhuaha thawh an tum thu a sawi a, a tha lo leh dik lo a awm chuan YMA ten thuneitute hnen-ah hriattir thin tura chahin, thuneitute nena enho thin a pawimawh a tih thu a sawi bawk.
Hemi hnu hian tunhnaia Central YMA leh Mizoram PWD tena thawhhona thuthlung an siam chu sawiho a ni bawk.