April 2, 2024; Dah a nihna enclosure atanga savawm a chhuah vangin thu leh awm hma atan sahuan khar a ni dawn.

Dated Aizawl, the 2 nd April 2024

CIRCULAR

01.04.2024 a thuchhuah kan siam tawh ang khan vawiin ni 02.04.2024 thlengin Aizawl Wildlife Division staff te, Zoo Veterinary Officer leh staff te, Zoo Range Officer leh a staff te nen Zoo area chhung leh a chhehvel te ngawrh taka zawn chhunzawm zel a ni a. Mihring theihna bakah drone te pawh hman a ni.

 Amaherawhchu Savawm chhuak hi Tranquilizer gun (kah mutna) hmanga kah mutna hmun remchang hmuh theih ala nih loh avang leh a hma lama trap/thang kamte ala hlawhtlin loh avangin trap/thang dang pawh kam belh zel a ni. Zanin zankhua leh naktuk lamah te pawh zawn chhunzawm zel ala ni dawn avangin Aizawl Zoological Park hi thu leh awm hma chu khar rih ani dawn a ni tih mipuite kan inhriattir e.

Tuna Savawm chhuak hi Zoo a piang leh sei lian a nih avangin tih thinrim hmasak a nih loh chuan ramhnuai Savawm ang a mihring tana hlauhawm lutuk a ni lo a, Zoo area chhehvel mipuite lo thla bar lutuk lo turin kan in hriattir bawk e.

He Savawm hi lo hmu emaw a chin hria kan awm a nih chuan a rang thei ang berin heng phone number 8837322990 (Zoo RO) emaw 8974450937 ( Aizawl Wildlife Division) ah hian call/ whatsapp hmanga hriattir vat tur in kan in ngen e.

Sd/- PC LALTANPUIA

Deputy Conservator of Forest

Aizawl Wildlife Division

&

Director 

Aizawl Zoological Park

Mizoram