ZALEN January 9, 2025 : Winter Operation for Wildlife Conservation Programme kalpui mek bawhzui nan vawiin hian ASEP chuan Solomon's High School nen tangkawpin Aizawl Zoological Park an tlawh. ASEP hruaitute leh Zoo lam thawktuten zirlai naupangte hnenah nungcha humhalh chungchang zirtirna bengvarthlak tak an pe a ni.

Sahuan fan kual hma-in awareness programme tawi hman a ni a, ASEP President K. Lalmuansanga leh Zoo RO James Thanmawia te chuan zirlai naupangte chu nakin lawka ram enkawltu turte an nih dawn avangin ramin hausakna a neih hlu ber pawl environment leh nungcha humhalhna kawngah theihtawp chhuahtu ni turin a fuih a. Sahuan tlawh kual pahin nungchate nungchang leh an chanchin pawimawhte inhrilh hriatna hun hman a ni.