Aizawl April 29, 2024: Vawiin khan tun hnaia Saitual District huam chhung a thli leh rial in in leh lo leh bungrua a tihchhiat te chu Saitual DC, Dr Lalngura Tlau hmalakna in a hmunah enfiah a ni a, DM&R atanga tanpuina pek tur chhungkaw 128 chhinchhiah an ni.

Saitual District a vawiina endik khua te hi Maite, Mualpheng , Tawizo te an ni. Thli leh ruah in a in leh lo a tihchhiat te hi luah theih tawh loh khawpa chhia chu an awm lo niin hriat a ni a , a tlangpuiin thawmthat ngai (Partially damaged ) te an ni hlawm. Tanpui ngai ni a chhinchhiah hi Maite khua ah chhungkaw 36, Tawizo ah chhungkaw 86 leh mualpheng ah chhungkaw 6 an ni a, heng bakah hian tanpuina dawng thei an ni em tih enfiah ngai dang an awm bawk.

Heng chhinchiah tak te hi an account details te lakkhawm /submit kim anih veleh DM&R rules dan angin an account ah tanpuina chhun sak leh tura ruahman an ni.