ZALEN September 08, 2026 : Nizan khan Sakawrtuichhun Branch YMA leh 191 Bn BSF, SHQ Aizawl chuan Army-a lut turte tana Pre-Recruitment Training an kalpui mekah training mekte fuihna hun an hmang.

He hun hi Branch Secretary, Dr. Ricky Lalhmangaihzuala'n a kaihruai a. Branch Vice President, Er. Lallawmzuala Pautu chuan inlawmna thuchah sawiin, inhmelhriattirna hun a hmang bawk.  

191 Bn BSF Commandant, Shri Ashutosh Kr. Chouhan chuan thusawiin, thalai-te hmasawnna leh khawtlang tana an thawhpuinaah YMA-in hma a lak thin chu lawmawm a tih thu a sawi.

Training kal mek thalaite chu an rilru put hmang, discipline leh an career-a an tum thlen tura an inpekna avangin a fak bawk a. Commandant chuan thalaite hnenah an training leh an inbuatsaihna tihchak zawkna turin 191 Bn BSF-in a theih ang angin tanpuina leh kaihhruaina a pek zel dawn thu a hrilh.

Civic Action Programme kalpui mek zelah khawtlang tana inpekna leh thawhhona entir nan, Commandant chuan Dekchi lian tak pathum chu Sakawrtuichhun Branch YMA hnenah a hlan bawk.

BSF leh Sakawrtuichhun Branch YMA te chuan khawtlang tana thawhhona leh inpekna hi lungrual taka kalpui zel an tum tih an sawi.