ZALEN September 12, 2026 : Salem Veng Branch YMA Faina Committee chuan vawiin zing khan bawlhhlawh a chang tur plastic bottle leh meizial bung an lei khawm.

Plastic bottle kg 28 chu Rs 1,400-in leiin, meizial bung 4,300 chu Rs 430-in an lei a ni.

Salem Veng Branch YMA Faina Committee chuan veng fai kan nih theihna tur atana ṭangkai zawk a kan hman atan plastic bottle leh meizial bung bawlhhlawha chang tur min lei tirtu zawng zawngte chungah lawmthu kan sawi e an ti.

Salem Veng Branch YMA te hian an veng faina turin hmalakna hrang hrang an kalpui thin a, khawlai remchang laiah meizial bung paihna tur cup an tar thin bakah meizial bung leh bottle ruakte an lei khawm thin a ni.