ZALEN, Dec. 17, 2024: LPS Vision Prodcution chuan Nilaini zan hian LPS Studio-ah TV leh YouTube kaltlanga chhim theih turin Krismas pual Samari Mi Tha Charity Concert a buatsaih dawn a, Youth Icon 2024 Top 10-te an inlan dawn.

Charity concert hi zan dar 8:00-ah tan tur a ni a, LPS presenter mi hriat hlawh chho tak, Hruaitei'n a host ang a, Icon Top 10-te an zai dawn a ni.

Hunhman chhung hian tanpui ngaite puih theihna turin mipuite luan chhuahna hun siam a ni dawn a, Icon star-te hi phone hmanga biak theih an ni ang a, sum hi QR code hmanga pek tur a ni dawn a ni.

Icon star-te hi Krismas hla sa theuh turin an inbuatsaih a, live music hmangin an zai dawn a, an zai hi anmahni inrem tura ruahman a ni.

LPS leh Icon star-te chuan charity concert hi thlirsak theuh tur leh an phal ang tawka tanpui ngaite tana luang chhuak turin mipui an sawm.