ZALEN, Feb. 15, 2025: Youth Icon 2024 Top 5 Samson Lalhunruata chuan March 4, 2025 hian an khuaah nupui a nei dawn.

Intihsiak laia ‘Thahniangi’ tih hla hit-pui em emtu, Samson-a nupui tur hi Grace-i, Bawngkawn, Aizawl a ni.

March 4, 2025 zing dar 8:00 hian a lawina, Champhai Kanan Presbyterian Kohhran Hall-ah an inkutsuih dawn a ni.

Samson-a hi Youth Icon intihsiakah khan a thleng sang ber pawl ni lo mah se a aw sin sang fawn nalh takin mi a hip a, tantu pawh a ngahin a tlak hnuah pawh duhsakna thilpek dawng nasa leh tun thlenga zai tura sawmna dawng tam ber pawl a ni.

Nupui a neih dawn avang hian tun lai hian amah pawh a tul hle a. ZALEN chuan nupa hlim tak ni turin duhsakna a hlan.