Aizawl March 10, 2024 : Mizoram doctor pawl hrang hrang Indian Medical Association (IMA), Mizoram Govt Doctors Association (MGDA) leh Indian Dental Association (IDA) Mizoram State Branch member te tangrual chuan Sangau leh a chhehvel khua te tan March ni 7-9, 2024 khan Free, Special Clinics, Sangau khuaah an huaihawt.

Free clinic ah hian Doctor 36 leh hriselna lam thawktu dang 14 te an tel a, khaw 19 - Sangau, S.Vanlaiphai, Tuipui D, Vawmbuk, S.Lungpher, Cheural, Lungtian, Vartek, Pangkhua, Sentetfiang, Thaltlang, Archhuang, Rawlbuk, Siachangkawn, Bualpui NG, Lungzarhtum, Tialdawngilung, Siaha leh Lawngtlai atangin he clinics ah hian inentir an awm a ni.

Sangau damdawi in thawktu, Village Councils, Young Lai Association (YLA) leh Bialtu MLA leh Ex-MLA ten a tul ang ang in an pui bawk. Deputy Commissioner, Lawngtlai District in a hmunah a hmanpui a ni. Free clinic ah hian damlo mi 2498 an inentir a ni.