Aizawl : Sangau Joint Action Committee chuan kum 20 chuang function mu mal tawh lo Sangau SDO (C) chungchangah Nimin January 31, 2020 khan Mizoram Chief Minister Zoramthanga an hmu a, CM hian Sangau SDO(C) tih changtlunna tur SEDP ah dah anih thu a hrilh.
Zoramthanga hian Mizoram hmasawnna tur leh Development infrastucture tam zawkte chu budget a dah lovin SEDP hnuaiah dah anih thu Sangau khawtlang hruaitute hi a lo hrilh bawk.
Sangau khawtlang hruaitute hian nikum lam khan Sangau SDO (C) ataka function a nih theihna tur hian Chief Minister hnenah dilna an lo thehlut tawh a, Lawngtlai East bialtu MLA H. Biakzaua pawhin nikum session neihna ah te pawh au chhuah puiin Chief Minister hnenah hian lehkha pawhin alo thehlut tawh bawk a ni.