ZALEN Oct. 11, 2024; Vanramnuama (40), Tuithumhnar, Lawngtlai District chu Sanghal in a beihna vangin nunna a chan a, vawiin khan vuiliam a ni.

Tuithumhnar VCP Lalzamlova sawi danin, Vanramnuama te hi buh sengin an riaka, nimin khan riah chawhmehtur zawngin a chhuak a, Chengkawl leh Chakai te khawrh tura a chhuak chu zanlam thlenga thlam ah a let takloh vangin a riahpuite ngaihtha lovin an zawng a, an lo atanga hlavaklovah Rawthing hung bul ah ruang hi hmuh a ni ta a ni.

Ramriakte hian khawtlang hruaitute hrilhriain, Police lam pawh hriattir niin, mitlawmngaiten ruang hi hlawmin, tukin zing dar 6 vel khan khua thlenpui a ni.

Tuithumhnar VCP in a sawidan in, Vanramnuama hi BCM Upa niin Sapel in a chhuak ngailova, a chawhmeh zawng hi Nghalchang nen an intawngfuh palh ni a an rin thu a sawi a, hmuh theih ah chuan a ringruh a tliak a, a mal leh kap vel ah hliam dang pawh hmuhtur a awm nual.

Vanramnuama hian a nupui leh a fate panga a kalsan a, vawiin khan Rev. Liansangpuia'n vuiin, Tuithumhnar thlanmual ah phum a ni.