Sap football fans ten kum 2 dana world Cup khelh an duh lo

Admin - Sep 12, 2021

FIFA president pawhin a thlawp thu a lo sawi tawh

Tun hnai hian FIFA hotu thenkhat atangin world cup dan thar chungchang a ri zauh zauh a, chu chu kum hnih dana world cup neih rawtna a ni. He rawtna hi British fans ten an duh lo hle a, hetianga kum li dana an neih thin kum hnih dana nei tawh tura rawtna awm chu FIFA president pawhin a thlawp thu a lo sawi hial tawh.

YouGov ten football fans ruhkawl mi 1000 te atanga poll an lakah UK fans 64%  chuan he dan thar hman tura rawt tum hi an duh lova, an zinga 40% phei chuan an duh lo bur. Chutihrualin, 21% te erawh chuan kum hnih dana world cup neih an thlawp thung a, 8% te phei chuan an duh takzet thu an sawi. 

UEFA president Aleksander Ceferin pawh a duh lotu langsar zing ami a ni a, The Times-in a interview naah, “An kal tlangpui ngat a nih chuan, football ngainatute thinlungah  football ngainatna a reh dawn chiang a ni,” a ti. Arsenal manager hlui Arsene Wenger-a, tuna FIFA's chief of global football development hna chelh mektu hi kum hnih dana World Cup neih rawttu langsar a ni a, kum 71 mi hian hun hmasa lam tawh khan L'Equipe hnenah kumin December thla chawhma lamah dan thar hi an pawm mai a nih a rin thu alo sawi lang tawh nghe nghe.

Share now