Aizawl May 1, 2024 : Tlawng lui fintu thianfaia chechhuak thin Safe the Riparian te chuan a thawhhnihna atan vawiin khan Royal Lalawi Hotel thlang, Lalmalsawma Memorial School bul, Khatla atangin bul an tan leh.

Save the Riparian te chuan tuna an project phase-II hi ni 30 chhung vela zawh hman an inbeisei tih an sawi a, an hmalakna chuan rah tha a chhuah zel nia an hriat thu an sawi a, khaw hrang hrang atangin an hmalakna zawma mahni khaw lui thenfai tih thu an dawn thin avangin lawmawm an tih thu an sawi a, bul tan chauh an la nih thu leh hmabak a la tam thu an sawi bawk.

He huna thusawitu pakhat Khatla YMA President Lalrimawia chuan Save the Riparian hmalakna chuan a veng a timualpho hle dawn tih a sawi a, chutihrualin chu chu an inenna tur a nih thu a sawi a, Khatla Veng chuan an hmalakna hi an thlawp tlat tiin, a theih ang anga puih pawh an inhuam tih a sawi bawk.

Save the Riparian project Phase-II kick-off hi Lalduhkima, Director, Project Management Unit, PHED, Govt of Mizoram chuan a flag-off a, he hunah hian Khatla Local Council leh YMA te bakah PHE department staff te leh Tourism department staff te leh mi thahnemngai te an tel.