Sawhkhawk of the day Mizorama political party pian belh zel hi India-in British Political Diplomacy a copy fuh ber, Divide and Rule Policy tihhlawhtlina kawng khat a ni a. Central India chuan hnam tinte hi inlungruala party pakhatah kan inchhunfin ang tih hi a hlauh ber a ni bawk. - 8731002725 Aizawl khawpui kum 125-na chungchanga Lalthlamuana Ralte thuziak ka lo chhiar a, beng a tivar hle mai. Kan khawpui berin hetiang kum a thlen chuan a lawmna pui tham deuh tak pawh hi siam a chakawm ta khawpin ka hria a, sorkar lam hian tan han la thei hlauh sela ka lo ti ve viau a ni. Min tibengvartu Zalen chungah lawmthu ka sawi a ni e. - Puipuia Zalen chanchinbuah hian tunlai chanchinbua kan hmuh khât tawh, spelluing mistake leh chhiar theih loh khawpa dum pherh a tam em em a; mahse, Sunday-a chhuak a nih avangin chanchinbu ngaina tak takten a that em em vang pawh ni chuang lovin, Sunday-a chanchinbu chhiar tur tha a awm loh avangin kan leiin kan la leh mai thin. Zalen enkawltuten lo ngaihtuah ve mai mai ula ka duh chu, hetiang lutuka typing mistake leh pherh nuaih tam lutuk hi mi dang enkawl ni se to intiin, ‘MJA President meuhvin a enkawl ni ve si,’ tiin in sel nasa ve viau lo’ng maw? - 8974143322 Zalen hi ka lo la ve a. A semtu in rawn tar chhuah pakhatna leh palina hi hriat a va har thin ve! Chubakah, crossward hi hriat thiam a har thin, Non-Mizo in tam em ni? - 9862329830 Zalen chanchinbu hi a tir atanga la ka ni a. Tunah hi chuan chhiar har a fiah lo hi a tam ta em em mai a. In chhuttirna press hi thlak mai teh u, tun laiah press changkang a tam tawh em hi. Kum upa lam tan chuan a buaithlak thin khawp mai. - Muanpuia pu Zu chungchang article hi ka chhiar hnem tawh hle a, kan Sunday chanchinbu duhawm taka chhuak, ‘Zu nge an huat sawrkar?’ tih thupui hmanga ziaktu, David L.Ralte ziah hi tha ka ti takzet, ka chhiar nawn reng mai; mahse, zu hi chu a th lo maw le!! - March Mafeli Mitthi an awma puan leh pangpar pek hi a hlu khawp mai, mitthi kan chawimawina leh duhsakna kan hlanna a ni. Mahse, puan leh pangpar kan pek ai chuan kan pek man hu pawisa pe ta zawk ila, mitthi chhungte tan a hlu zawk em em dawn a ni. Puan kan pek ngei tur erawh chu a awm a, chu chu thliar thiam a tha khawp mai. Puan leh pangpar pe lo, mi nawlpuiin sumin kan ral thin bawk. Hei hian mitthi chhungte a chhawk zangkhai a, a hlu hle a ni ka lo ti ve mai mai. Pangpar tak petuten an hming an ziak ngai lo, tu’n lo ngaihaw lo se, kei chuan a tak ka ngaihlu fe zawk. Mitthi chanchin ziaka sem pawh hi a that em em rualin, tul lutuk lova sum senna a ni em aw ka lo ti ve mai mai a ni e. Kuang thlalakpui teuh nen hian. - Puipuii pi Kumpuisul lo veiin sikni eng mawi a lo her chhuak tan leh ta. Chu chuan favang ni a rawn her chhuahpui a, lung a va han tileng tan tak em! - Angaihtei lungsum Tunlai hian aizawl khawpui laili laia veng thenkhat inzawm khawm chuan ruihhlo leh a titute do nan thawkhovin operation an thlak mek tih thawm a ri a. An thawhhona a thain a lawmawm khawp mai. An duty-na lai hi Aizawl khawpuia a langsar lai, mi tamna lai leh khawpui mawi leh mawi loh lanna hmun pakhat a ni a, theihtawp chhuahin tang zel teh se. Chutih rual chuan an hnawh darhte hi veng dang, an duty lohna hmunah an kal khawm tho niin an sawi bawk a, veng tin hi sualna dova kan tan rual loh chuan kan tirem tak tak thei dawn chuang lo niin a lang a, kan tanrual a ngai hle tih a lang chiang hle a ni. - Mama Pathianin a sawilawk angin sualna hi a punlun zel dawn tih a hriat a. He hunah hian ringtute kan inpeih a ngai khawp mai. Tunlaiin mi thenkhatin hrilhlawkna ang deuhva an puan tam tak hi a thlen dik hun a la awm dawn, ringtute huaisen takin i kal zel ang u. Ringtute chu huaisen tur kan ni a, kan huaisen chhan tur pawh kan biak Pathian hi a ni tih i hre reng ang u. Engtikah mah min thlahthlam dawn si lo va. - Puitea Heti hian ka lo ngaihtuah ve mai mai thin a. Kan rama thil chi hrang hrang, a bikin ei rukna leh hlemhletna thlengah hian kan ram hruaitute leh officer liante hi kan puh a, puh loh theih loh an ni bawk a. Chutih rual chuan a puh chhe em emtute hi ei ruk theihna hmunah hian awm ve ta thut ila, anmahni ang vel lek kan ni mai lo maw tih hi a ni. Office kan kal tlai theih dan te ngaihtuah hian a ti ve duh awm tak tak theuh hian kan kan sawisel veleh chhawng mai mai nia ngaih chang ka nei leh thin. - Mawimawii Sumah miin a rilru zawng zawng a pek chuan mi hmantlak a ni ngai lo. Kan dam chhung khawsakna atan hian sum chu pawimawh tak a ni a; nimahsela, sum ringawtah miin a rilru a pek chuan chhungkua pawh a vawng fel thei lo va, chhungkua chuan harsatna leh buaina a tawng ngei ngei a ni. Chunakah Pathian aia sum kan lo hmachhuan zawk chuan a fuh thei lo va, chhungkua a thlahthlam a, ama chungah pawh chhungkua a vui bawk thin. Amah Pathian lovin a thilsiam kan lo Pathian hian pawi tak a ni. Sum pawh hi Pathian avanga awm chauh a ni tih kan hriat a tul hle. Chuvang chuan chhungkua i vawng him tawkin i inhria em tih lo inzawt teh. Taksa bawrhsawmna han tawk ta chiah la, i sum kha ip pawpa thlak ang hlauhvin a ral hiau hiau mai ang. Chutah chuan sumin a chhan zawh lohzia che chu i hre mai ang. Pathianin i damdawi ei thinte kha mal a sawm loh chuan i tan thihna turah a chang thei bawk. - The Slam Tunlai kan thlarau chan hi sawisel mai a awl ngawt mai. Kan Pastor thenkhatte ngaihdan pawh a inang lo va, a mi nawlpui tan phei chuan hriatthiam a har a ni. Eng pawh ni sela, kan Pathian thuin, 'A rahah a la lang dawn,' tia a sawi angin kan thlarau changsanghote khawsak leh dawn dan hi tha takin lo dawngsawng rih phawt mai ila. A dik leh dik loh chu an rahah a la hriat dawn a, huai taka lo sawi pawp pawp hi a him lo rih ni berin ka hria. Ka rawn au chhuahpui ve mai mai a ni e. - Azoi Siakeng Lal Isua hmangaihna angchhung nuama kan chen ve theih nan hian hrehawm tam tak hi kan tawrh ve a tul a. Kraws kawng kan zawh mekna kawng hi kawng nuam leh awlsam a ni lo a ni. Sual lak ata hring fate min tlan chhuah nan Pathian chuan a fapa mal neih chhun Lal Isua min pe a, hrehawm tinreng tuarin Krawsah khenbehin a awm a, Krawsa Lal Isuan a tawrhnate kan hriat a, tawmpuitu kan nih ve avang chuan ringtu kan niha Lal Isua kan zuina kawngah hian hrehawm tam tak hi kan tawrh ve hi a ngai tlat a ni. - 9402520257