SAWHKHAWK of the day Assam Rifles-ten Zokhawsangah hmun an nei tawh reng a, hma la sela Zodin Cinema Hall te chu lei ngai lek lo tur! Sum harsa ti pawr hum reng si, a thawkpikthlak teh e! Non-Mizo hnena hmun/ram hralhpawh Pu Ch.Chhunga CM hun lai daih tawh khan sorkar phalna lo chuan khap a nih tawh kha maw le! CM ber chhuanlam lah chu hnam dangin lei an tum tihte zu ni a! Khua a la var var lo a nih ber hi maw! - Thlirtu Hmanni deuh khan Lalthlamuana Ralte khan lehkhabu chhiar chungchang kha a rawn ziak niin ka hria a, a lawmawm ka ti hle a ni. Tunlai kan thalaite hi thuziak leh chhiar lamah hian kan hniam ta hlein ka lo hmu ve ringawt a, tan kan lak a tul khawpin ka hria. Chhiar hman lo nia kan insawi hi chu tum loh vang mai mai a ni a, keini aia buai fe fe tura ngaih, footballer leh an manager te pawh hian lehkhabu chhah pui pui hi an chhuah leh nawlh nawlh fo mai. Kan tan a ngai hle a ni. - Puipuia Zalen chanchinbuah hian tunlai chanchinbua spelling mistake a tam tiin an sawisel thin cheu va, a dik khawpin ka lo hre ve a. Tan han la zel teh u. - Mapuia Zalen hi ka lo la ve a. Tunlai hian phek thenkhatah hian fiah lo leh kawisawi deuh deuh a tam khawp mai, lak a manhla lo riau mai, tihthat dan a awm thei em? In thuchhuah thin erawh beng a tivar tak meuh thin a ni, tan han la hram hram zel teh u, ka lawm e. - Sangtea FZ Tunlaia kan buaipui em em, Food Security kan hmang ve dawn chauh tih naka laiin kan sorkarin politics hmanruaa hman a lo tum ve ngawt hi zahthlak tawpkhawkah ka ngai a. Central sorkar NDA BJP sorkarin mi retheite tana a rawn pek lehnghal, Congress duh dana an hman hi an remti hauhin ka ring lo a ni. A reng reng thuin V/C, L/C leh NGO te hi veng/khuaa thlangtu tur dik takte chu an ni chiang mai lo’m ni? YMA. MUP. MHIP te ring dik lo party chu tunge ring duh tawk tehlul bik ang? An MLA ten an thuchhuah hi sut mawlh teh se, vote hmuh an beisei dawn a nih ngat chuan mi rethei chan tur chu mi retheiten a petute duh danin pek ni ngei rawh se. - 8575179963 Ka awm dan leh nun dan zawng zawng hi tholeh Krista nun tawmpuiin mahni inphatsanin rawngbawlin sual tinreng thuneihna chu kan hneh ngei ang. - Angaihtei Lungsum@1 Tunlai chu kawngchhiain kan Zoram khawvel a bawh buai nasa hle mai, a bikin kan chhim lam unaute an che na khawp mai a, lirthei an dang tih thawm te, bandh neih an tum tih thawmte a lo awm a. Kawng hi engati nge maw ni tu sorkar maiah pawh hian kan neih that loh thin mai ni? A chhan dik tak ka hre châk ngawt mai. A mutan hi mipui hian hre chhuak ila chuan kan nawp nek duh mai thei a ni. State puitling ve uaih tawh sia kawngchhia avanga kawng kan han zawh a ngai leh rup thinte hi chu a zia lo lam deuh ka lo ti ve mai mai. Tu party emaw, sorkar emaw lam dem bik erawh ka nei lo a nia...hehe!! - Partei Kan ramah harhna a thleng kan ti a, Kohhran zawng zawng deuhthaw kan hlim laiin Biak In suasamna ni awma ngaih theih thil a thleng hi a pawi ka ti ve khawp mai. Tunge thiam lo phei chu ka hre thiam ve phak lo va, lo sawi chiam pawh ka tum lo; mahse, an suasam tak kha Biak In a lo nih hlauh chuan a pawi ka ti em em a ni. In dang ang a ni lo va, Kristiante phei chuan tih awm loh tak a niin ka lo hre ve a ni. - 8794686442 Tunlai hian aizawl khawpui laili laia veng thenkhat inzawm khawm chuan ruihhlo leh a titute do nan thawkhovin operation an thlak mek tih a ni a, a lawmawm tak zet a ni. Heng operation thlakte hian zan lam chu an vil uluk khawpin a hriat a, chhun lamah hian an hmalakna lai bawr velah hian zan lama chhuak ngam lo an inlar nasa khawp niin a hriat a, hei pawh hi ven dan awm thei sela ka ti hle mai. Chhun leh zana in-duty chhawk dan awm se ka lo ti ve a ni, thawk chhuak peih mang si lo hian... - Mama Tun hnaia thil thleng avangin Kohhran leh Kohhran inbei anga sawi thawm awm leh thin hi ka lo vei ve khawp mai. An lo inep tak tak nge tak tak lo chu hriat ni lo mah se, hnam dangin kan chanchin hi an hre palh ang a, mawi lo takin ram pawnahte kan thang ang tih ka hlau va, kan inven thiam hi a pawimawh khawpin ka hria. - MkSiama Kawngchhia avangin party pakhat chuan kawng an zawh a, lirthei kal vel pawh a harsat phah nasa khawp mai, kawngchhia hi kan vei tlang a ni! Thingtlang lama mite kawng chhia chu ka hmuhpui phak lo va, Aizawl khawpuiah ngei pawh hian tlema veng tlabirh deuh, kawngpui lun lo deuh lai hi chu khawi lai pawh a chhe em em vek ringawt mai hian ka hre mai, ka kal tlem vang ni maw? State pakhat khawpui ve meuhah hi chuan kawi tin tihmam dan hi chu kan hriat ve a hun tawh hlein ka hria, a ti theihte khan tan han la teh u. - manga Social media bawk sawi leh ta ila, tun hnaiah Biak In chungchangah pawh a hre hmasa nih leh chanchin thar update chak nih kan inchuh nasa leh malh malh khawp mai. Tun tumah chuan thu dik lo leng a tam tehchiam lo niin ka lo hria a; mahse, thil hi chu hre hmasa nih kan chak vek chu a lo nih hi. Pawi kan khawih phah palh ang tih ka lo hlau thin ve khawp mai. - ZnMapuia Lawm nachang hre lote leh mi sualte chungah a ngilnei si thin a. He thu hi ka thinlung lairilah a cham reng a, mi zawng zawng hian hre fiah thiam ila, hmelmapa sual Setana hi kan titlawm chiang ngawt ang. Mahse, a then pawh kan hre lo tih ang deuh hian PATHIAN?thu tak la hre fiah thiam lo tam zawkna khawvel a la ni bawk si. Buh seng tur a tam, sengtu tur an tlem si. - Chhuanpuia Kelkang harhna chhim kan awm ve tawh em ka hre lo va, kei pawhin ka la chhim bik chuang lo. A kal tawhte atanga report han ngaihthlak atang chuan a nawm hmelin a ropui hle mai. Hetiang Pathian hnathawh ropui tak, ram pumin a buaipui hi kan tawng khat ta khawp mai. An sawi atanga ka lo hriat dan chuan a khaw mipuite an fakawm ka va ti em! Presbytery Inkhawmpui pawh thleng ngam lo thinin a mi sing tel an han mikhual a ni a, kei chu Pathian hnathawh mak tak ka ti lo thei lo. Duh leh mi chuan ‘Kelkang kal kher kher’ lo ti mai mai rawh se, ‘a kal thei chu kal zel rawh se,’ ka ti zel zawk dawn. - MkSiama