SAWHKHAWK of the day Zalen hi a ngaihnawm ka lo ti em em zel ringawt mai a, miin an sawisel cheu pawh hian ka lo tan ve khawp mai thin che u. Chutih rual chuan an sawisel ngai loh deuhna che u, a phek hma hi ka lo sawi ve lawk. Thlalak in dah hi a tê hret zel ka ti. En tham leh awmze hriat theih ni thei se ka lo ti ve ringawt. Tin, a phak hmaah hi en a nuam lo bawk, a chiri ka ti, ka sawi thiam chiah lo. - Mawimawii Pathianni hmasaa 8794686442-in thu a thawh kha a dik ka va ti tak em! Mizote hi a sawi ang chiah hian kan nghet lo lutuk hi a pawi ka lo ti ve a, thil thleng thar kan bawh chak huam huam lutukte hi kan inchhir phah a, kan chak loh phah fo niin ka hria a, a chang phei chuan kan mualpho phah fo thin niin ka hria. - Papuia Pu Chhuanliana awmna lai in thlak chu a tihzia hle mai. Ani tawngkam hman hi chu a lan kim loh chuan hriat thiam theih mai loh a tam thin si a, a lawmawm hle a ni. Doctor pahnih hi chuan hriat thiam loh tur an ziak vak lo va, a lan kim chiah loh pawhin chhiar a harsat phah lo niin ka lo hria a, kan lawm hle a ni. - Chhuanliana fans Engati nge ka vei zawngte ka rawn thawn thin a, min chhuahsak ngai miah loh, Zalen ka lak chhan a ni asin le!! - Kimbawihi pa social media chungchang kha an rawn sawi tawh a, kei pawhin ka thlawp e. Mi thiam zawkte leh fing zawkte pawh hian an sawi zing tawhin ka hria. Duh duh sawi thei mah ila duh apiang sawi vek erawh a rem lo tih hi kan hriat thar leh a pawimawhin ka hre ve a ni. - SzMuana social media chungchang kha an rawn sawi tawh a, kei pawhin ka thlawp e. Mi thiam zawkte leh fing za AMC kan inthlang dawn ta a, party-te pawh a theih ang angin an inbei leh zel turah inngai ila. Tun tumah hi chuan mipui hi â duh tawh lo ang u. A huap a zim deuh bawk a, kan veng/bial hmangaih tur hi a party pawh en lova kan thlan chhuah ngam a hun tawhin ka hria. Heti ringawt hi chuan kan politician-te hian mipui hi min hrek cher khawlo zo dawn a, ram an hmangaih dan hi an hmangaih lo a ni. - Siamtei, Tuikual Revd. Chuauthuama leh K.L.Liana te hi unau piang hmun an ni em le? Nge ni hrang, pa hmunzawk ni ang le? Ngurthangvela hi kan Nutei tur an ti bawk si. - NGTV, K.L.LIANA, REVD. CHUAUA fan ruhkawl Congress, kan hruaitu atana kan thlan lalte hi ei ruk ngai lova a pi leh pu atanga mi hausa an ni a. MNF kha chu sum lamah an inhnawh puar nasa a, an MLA-te khan Congress MLA an pha lo si a, Unit pawh rum vangin an buai buah a ni ber. - MNF PA Zu zawrh kan phal lo va, zu rui kan hlauh va. AN bengchheng ang a tiin kan ngaihtuah a; mahse, chhunah te, zan tir atanga khawvar thlangin Halleluia Amen tih a ri ta. Congress-in thlarau hnathawh an dawng nasa a ni tih chiang ang u. Kawngpuiah zu rui i hmu tawh ngai lo vang. - 9089252321 Kawng chhiatzia te, kawng siam hnatlang kan nei tih te, pawisa a vang tih thawm ri nuaih nuaih ka hriat hian lung a zingin a thawpikthlak ka ti takzet thin. Mahse maw, Lalpan thlirna tlang dang atangin min thlirtir ve ta tlat mai. Kan hnam kan sual si, foreign kan hnaih si, kan vai thenawmte ho lah khawvela hnam phaka leh sual ber an ni bawk si, mi ram anga kawngpui tha neihte ang hi zawng nei ila a pawi mai mai teh ang chu aw! Kan ngaih a sam, kan mawlin kan thatchhe si, kan puitlina kan inpeih hun hi Lalpa hian min nghak a, mi sual leh foreigner-te tan pawh tlan bo ngaihna awm lova kawng chhia hi kan tan malsawmna ropui tak a ni mai zawk awm asin. In rawk, ruk ruk leh tual thah lian tham pawh a tam loh phah deuhvin a lang zawk lo maw? - Valpuia pa, Venghlui Sorkar berin zu thain an sawi mawiin zu atanga chhiah hmuh tam an duh si a le, ni danga in ngai lote pawhin in ila, a in thinte pawhin tam zawk in turin tan la sauh sauh ila a ni mai lo’m! Ram hmangaihtu tur bera ngaihten zu tha in an sawi mawi miau sia, a tha a ni chek ang chu maw!! - 9774354495 Malsawmna tam tak dawn i duh a; mahse maw, malsawm tlaka hna i thawh loh chuan lawmman eng nge i hmuh ang le? - Angaitei Lungsum Zoram mipuiten harhna kan chang, kan hlim; mahse, kan nunah simna, tuarna, chânna te kan neih takzet a ngai. Hnam dangte pawhin he ramah hian Pathian a awm ngei tih an lo hria ang. - 8014133932 Mizoram sum harsatna tihkian nana pawimawh ber/koritu ber tur chu tu dang ni lovin, tawngka mai ni lo, a taka Chief Minister dik, rinawm, taima, ram hmangai, tih tak zeta ram tana hma la mi nei ila kan zangkhai leh maiin a rinawm. CM berin a zir loh chuan engmah a ni thei tak tak chuangin a rinawm loh. Tunah pawh hian Mizoram sorkar hnuaia contract hna lian thawk company-ah share holder/chanvo nei ve hruaitute zingah awma sawi rik a ni leh ta! A va fel lo em! Hetiang a nih chuan Mizoram suma he company hi a theih chen chena vur a ni ngeiin a rinawm a, harsatna tihkian ahnekin a zual zel dawn niin a lang. Mipui mimirte hi ram tana kan inbih chian a va ngai em! Leibat avanga kil tina phurrit hai veng thei tur hruaitu CM taima, dik, a taka rinawm kan mamawh a ni e. Mizoram hruaitu thenkhatte hi chuan min ei ral mek a nih hi! - Thlirtu Ka sawi ve tawh thin a, ka’n sawi leh mai teh ang. MIZORAMA khaw hming thlak atana tha nia ka hriatte - 1. Rulchawm, 2. Rulpuihlim, 3. Rulkual, 4. Rullam tih khaw hming Kristian rama a awm hi!! Entir nan, Rulchawm Kohhran Upa han nih te, Rulkual KTP/TKP han nih te. A mak e, thlak theih a ni maw le! - 9862361911 Hla thlan, i lo zaiho ang u - Pawisa khelh chingte leh zu ruih hmang te, an hnena zu in tur hralhtute leh, an hnena zu zawrh phalna petute nen, hremhmunah an liam ta dial a - 8014993214 Sawi ve lawk, kan Kristianna hi Biak Inah chauh ni lo, Biak In pawn lamah lang zawk teh se. Chu chu kan ram, kan hnam damna tur a ni. Biak In hi chu kan inkhawmna tur, pawn lam hi kan luan chhuahna tur a ni zawk. - MkSiama