Aizawl June 28, 2024 : Vawiin hian Mizo Hnam Runah chhung inkhawm hman a ni a, he hunah hian Leader of Opposition leh MNF Vice President ni bawk Lalchhandama Ralte, MLA chuan thu sawiin, an sawrkar laia an harsatna sawi te chu a dik zia tuna kan CM hian a a takin a hmu a, a pholang ve ta niin a sawi.

Lalchandama Ralte chuan, "Covid hripui avanga Central atanga kan sum hmuh tur Vbc.2300 chuang hmuh loh a nih thu te, 15th Finance Commission atanga sum hmuh tur Vbc.56 hmuh loh a nih thute, hemi avanga harsatna namenlo sawrkar kal tawhin a tawh thu kan sawi laia, khatih laia harsatna awmlo leh hlawkpui zawk anga min puhtu ZPM ten harsatna a takin an hmu ta, vawiina kan CM hian langsar takin a pholang ta ni. Ni 23.6.2024 khan Central Finance Minister hnenah kan sum harsatna tawh chu a tak a nih thu sawiin, pui turin a zuk thlen a ni," a ti.

"Thenawm ram leh state atangin, Raltlan sing chuangin min chenchilh avanga harsatna kan tawh tam tak pawh hre duhlo lui tlattu ZPM te chu vawiinah a taka tawngtu niin, kan unaute thlavang hauh aiin, anmahni avanga harsatna tam tak thleng tiin, chhuanlam a zuk siam ta a. Central-ah pûr zuk chaw in, Sawrkar harsatna tawh nasat zia chu vawiina kan CM hian a rawn pholang ta a ni," a ti bawk.

Chhantea chuan, "Kan sawrkarin khaw tamtak harsatna chhawk zangkhai nan leh Zirtirtu tam tak pension hnaih tawh te sawhnghehna tura, School tam tak dinhmun thaa hlankai a nih chungchangah, dan lova kal anga min puhtute hian Sawrkarna an la chelh ngai loh avangin thil awmzia an hrelo a ni. Tehna felfai tak hmangin Cabinet thutlukna anga Policy siam tihlawhtling turin Recruitment Rules duan mek a ni."

"April 2024 a peih fel hman tum chu an zawh hman loh avangin kan sawrkar sa kahthluk tawh chu a kapthlutu zawk nih tumin an Cancel a. Sawrkar hmasa thutlukna District thar chhawm nun leh tih changtlun thlengin, Democracy Sawrkar kan nihna keng nungin harsatna tamtak lo sutkuak a ni tawh a. Sawrkar hmasa thil tih sut leh burh a an kal hi Democracy zahlohna a ni a, arang thei ang berin heng school tam takte upgrade na order hi chhuah turin kan sawrkar hi ka ngen a ni," a ti bawk.