DOWNLOAD OUR APP

Read latest news on your phone
app-store

Sawrkarin sum a neih loh vanga Thingtlang mi te min run hi na ka ti

Jul 26, 2022

Thingtlang Kuthnathawktu te'n an thlai thar khawpui lamah hralh turin Maxicab-ah te an rawn hlang a, hemi vang hian Maxicab-a phurtu te over load tia chhuanlam siamin an man bawk

Tunhnaia Chhimphei tlângdung, Hualngohmun dâia MVI lamina Lirthei an check dan chungchangah Chhimphei lama chêngte dinhmun leh harsatna hriatthiam puina awmlo taka hmalâkna awmin ka hmu a. Hemi chungchangah hian kan sorkarin mipuite dinhmun diktak hre chunga hma la zâwk tûrin ka han ngên hmasa duh a.  Hetiang hi thil awmdân/thlen dan tlangpui chu a ni.

Chhimphei tlângdunga kawngpui tan tlang khaw hrang hrangte  Lirthei veivâk ṭhinte chu tunlai hian MVI lamin lo check ṭhinin, an document felfâi tâwk lo te, 'high security Number plate' chungchâng avângtea man ṭhin kan ni fo a. Thingtlâng aṭanga 'High security Number plate' pawh phak ang tawka buaipuiin, a buaipuitu lam inpeih pawh nghâk hman lo a, a lirthei neituin a ṭûla kan lo hman lailâwk ṭum a nei fo ṭhin a. Lirthei documents pawh felfâi taka kawl tûrin phâk tâwkah kan buaipui ṭhin. A khawihtute indaih tâwk loh avangtea a hun taka min pêk chhuah hman loh ṭum pawh a awm ve bawk ṭhin a ni. 

Sawrkar dân leh hrai hi kan zâwm tur ani nameuh mai a, kan pawm bawk a ni. Hetih rual hian, kan khawpui ber Aizawlah motor dahna garage mumal neilo reng chunga vawiin thlenga lirthei register la pung reng te, dân leh hrai sorkar in a zam ang zâwm ziktlûak siloa kan lirthei sâng têl an chêt suau suau laia keini thingtlânga 'hnathawh' nana kan lirthei kawng hrang hranga lo hmanga, neih thinglung khâwnga kan neih ve te engemaw fel fâi tâwk lo awm palh zauh avanga te a min check a, min man mai ṭhin te. Thingtlang Kuthnathawktu te'n an thlai thar khawpui lamah hralh turin Maxicab - ah te an rawn hlang a, hemi vang hian Maxicab - a phurtu te over load tia chhuanlam siamin an man bawk a ni. 

Hemi avanga hnathawh nâna kan lirthei kawl chhun ang pawh chelek ṭha ngamloa kan awm ta mêk leh in hriatthiamna leh in ngaihhnathiamna awm miahloa kan sorkar lam mite an che mêk hi pawi ka tiin, ka Chhimphei unâute pawh ka lainat hle a ni. 

Kan khawpui berah pawh mumal taka inching fel hlei thei silo hian thingtlâng zawkte lakah fîr taka chet min lâksak chhunzawm tawhlo turin kan sorkar thuneitu ka ngên tak meuh a ni.


Chhimphei tlângdung aiawhin,

RB Lalmalsawma, Phulpui

Share now