American actress Scarlett Johansson chuan Marvel Cinematic Universe (MCU) a chhuah san dawn a, 'Black Widow' chu a inlan tawpna tur a ni tawh dawn niin khawthlang media te chuan an tarlang. 

Kum 36 mi Scarlett Johansson hian Black Widow-ah hian Natasha Romanoff/Black Widow role a play a, en tichakawmtu tur ber pakhat a ni leh dawn. Ani bakah hian - Rachel Weisz, Florence Pugh leh Robert Downey, Jr. te pawh an inlan dawn a, tlangzarh hun tur erawh a la chiang thei mai lo. 

Scarlett hi kum 2010 khan Marvel film-ah a inlan tan a, 'Iron Man 2' chu a channa hmasa ber a ni. Thangkhat lian zet a lo chenchilh tawh hi tunah chuan chhuahsan a rilruk ve tawh niin a lang a, Marvel film ngainatute tan chuan channa nasa tak a ni ngei ang. 

Pasal pathum then tawh Scarlett chuan, "Kum 10 chhunga ka tawn hriatte khan min tihlim tak zet a, tunah erawh ka chhuahsan a hun tawhin ka hria," tiin ComicBook.coma 
hrilh a ni.