Aizawl: MZP General Headquarters President Lalnunmawia Pautu leh hruaitu dangte chuan Zirtawpni tlai khan Chief Minister Zoramthanga chu a office-ah hmuin Post Matric Tribal Scholarship 2021-2022 (3rd Installment) sem chhuah a nih thuai theih nana hmala turin an ngen.

MZP chuan Post Matrict Tribal Scholarship central atanga Mizoram sawrkar kuta thleng tawh sem chhuah a nih mai loh chungchang sawipuiin, sem chhuah a nih thuai theih nana hma la  turin an ngen nghal a. CM chuan tribal scholarship sem hma bak sem thuai an tum thu sawiin, Principal Secretary Finance Department Vanlalchhuanga IA&AS pawh be nghalin a rang thei ang bera sem a nih tur thu an sawi.