November 21, 2023; Chhinga veng, Aizawl a mipa kum 73 mi scooty a su a, tlan tlang zui nghal chu tunge a nih hriat chhuah a ni tawh.

ZALEN News a tarlan tawh angin, November ni 14, 2023, Thawhlehni zan dar 10:30 vel khan Chhinga veng ah kawng sir a kal mipa a kum lam pawh a upa tawh kum 73 mi vel chu mipa nia hriat scooty khalhin a su tlu a, ding zui lo leh a chinchang pawh ngaihven zui loin a tlan tlang a ni.

He thil thleng hi a theih ang anga chhui zui niin, scooty khalhtu hi Bazar Bungkawn ah chhuak chhoin, Treasury atangin Venghlui lamah a tlan thla tih CCTV atangin a lang.

Ngun taka chhui zui a nih hnuah scooty a mi sutu hi hriatchhuah tawh niin, mipa kum 56 mi a ni a, dan angin police ah thubuai ziah luh a ni.

Scooty in a sut kum 73 mi hi vanneihthlak takin dinhmun ngaihtuahawm a ni lo a, a ke lamah hliam a tuar.