March 4, 2024; Tun March thla bak chhawr tawh loh tur SEDP teacher te aiawh tur proposal buaipui mek a ni.

Assembly budget session neih mek a Aizawl West III bialtu VL Zaithanzama zawhna school education department changtu Dr. Vanlalthlana'n ziaka a chhan danin, SEDP zirtirtute chu tun March 2024 thla tawp thleng bak chhawr chhunzawm tum an ni lo.

SEDP zirtirtute aiawh hi contract emaw, MR emaw tala lak turin proposal buaipui mek a ni.

ZALEN RTI zawhna school Education SPIO in a lo chhan tawh danin, SEDP hnuaia zirtirtu rawih zat hi a ngai reng thei lo a, enrollment hnuhnung berah chuan mi 1,143 an ni a, chungte chu DIET lecturer 6, Govt HSS 38, Govt HS 296, Govt. MS 208, Govt PS 494, LDC 51 leh IV Grade 50 te an ni.