American singer Selena Gomez chu tun lai hripui leng hian a rilru a kap ve hle ni tur a ni - an ram hruaitute chu vaccine tam zawk pe chhuak turin a ngen hial.

Kum 28 mi Selena Gomez hian tun hnai khan U.S. hruaitute chu ram rethei zawk leh mamawhtu tamna ramah Covid-19 damdawi tam zawk pe chhuak tura a duh thu hi a sawi a, hripui dona kawngah ram hrang hrang hruaitute chu an thawhho a ngaih thu a sawi bawk. 

Selena hian US President Joe Biden leh Secretary of State Antony Blinken te chu French President Emmanuel Macron hmalakna thlawp a, chutianga hma la ve tur chuan a ngen. US bakah hian G7 ram hruaitute chu a huhoa chak zawka vaccine sem chhuah kawnga hma la turin a ngen bawk a, ngenna hi Twitter kal tlangin a tarlang a ni.