Selena Gomez leh The Weeknd te hi an lo in 'date' ve zak zak tawh a nih kha - tunah erawh thawnthu a danglam ta. The Weeknd leh Selena-i thian hnai tak Simi Khadra te chu an in 'date' ve leh tih khawthlang media te chuan an tarlang a, hemi chungchangah hian Selena Gomez chu hun eng emaw chen a ngawi - hei vang hian a thiannu Simi Khadra nen an inkar pawh a chhe ta niin mi tam tak chuan an ngai hial. 

Mahse tun hnai khan American singer Selena Gomez hian Simi Khadra te unau thla a lakpuina chu Instagram lamah a tarlang a, caption-ah 'Since 2013' tih a hmang bawk. Hei hi Simi nen an inkarah inhuatna a awm lo tih a tarlannaah ngaih a ni a, an inthian thatna a la pangngai reng tih a tarlanna a ni thei bawk. The Weeknd leh Selena te hi October 2017 khan an inthen a ni. 

Canadian singer The Weeknd hian Selena-i thiannu Simi a chhai ve leh thung a, tun hnai khan Las Vegas-ah birthday an lawm dun a, an in 'muah' lai video pawh hmuh tur a awm nghe nghe.